Maharashtra State Bharti 2025: सध्या महाराष्ट्र राज्यात सरकारी नोकऱ्यांची परिस्थिती गंभीर आहे. तब्बल 2.75 लाख सरकारी पदे रिक्त आहेत, ज्यामुळे प्रशासनावर मोठा ताण पडत आहे. या रिक्त पदांमुळे अधिकाऱ्यांवर कामाचा अतिरिक्त बोजा वाढला असून, यामुळे प्रशासकीय यंत्रणेची कार्यक्षमता कमी होत आहे. नव्या पदभरतीसाठी सरकारकडून कोणताही ठोस निर्णय घेतला गेलेला नाही, आणि हेच कामगार संघटनांच्या रोषाचे कारण बनले आहे.
इतर सर्व भरती अपडेट्स
Maharashtra State Bharti 2025: रिक्त पदांची स्थिती
महाराष्ट्र राज्य सरकारी सेवेत एकूण 7.19 लाख मंजूर पदे आहेत, पण त्यापैकी सुमारे 2.75 लाख पदे रिक्त आहेत. दरवर्षी तीन टक्के जागा नवीन सेवानिवृत्तींमुळे रिक्त होत असतात, पण त्या जागांवर योग्य वेळेत भरती न केल्यामुळे ही समस्या गंभीर बनली आहे.
नवोदितांसाठी समस्या
सरकारी सेवेत नवीन भरती होणे आवश्यक आहे, मात्र वेतनाच्या खर्चात बचत करण्यासाठी नवीन कर्मचाऱ्यांची भरती न करता सेवानिवृत्त अधिकाऱ्यांना मानधनावर ठेवले जाते किंवा कंत्राटी पद्धतीने नोकरी दिली जाते. हे सुशिक्षित तरुणांचे आर्थिक शोषण करणारं आहे आणि त्यांच्या करिअरच्या संधींवर मर्यादा आणतं.
कर्मचाऱ्यांवर कामाचा ताण
रिक्त पदांमुळे सरकारी अधिकाऱ्यांवर कामाचा ताण वाढला आहे. परिणामी, त्यांच्या आरोग्यावर परिणाम होतोय, आणि प्रशासकीय कार्यक्षमतेत घट होतेय. या वाढत्या ताणामुळे कर्मचारी त्रस्त आहेत आणि सरकारला तात्काळ निर्णय घेण्याची मागणी करत आहेत.
निवृत्ती वय 60 करणे फायदेशीर का?
काही संघटनांच्या मते, सरकारी कर्मचाऱ्यांचे निवृत्तीचे वय 60 वर्षांपर्यंत वाढवल्यास राज्य सरकारवरील आर्थिक भार कमी होईल. यामुळे निवृत्ती लाभाच्या फंडातून बचत होईल आणि सरकारी यंत्रणेतील अनुभवी कर्मचाऱ्यांची सेवा पुढील काही वर्षांसाठी कायम राहील. अंदाजे 55 हजार कोटी रुपयांचा निधी विकास कामांसाठी वापरता येऊ शकतो.
Maharashtra State Bharti 2025: राज्य सरकारची टाळाटाळ
सेवानिवृत्ती वय वाढवण्यावर चर्चा सुरु असूनही, सरकारने यावर अद्याप अंतिम निर्णय घेतलेला नाही. यामुळे कर्मचारी वर्गात नाराजी निर्माण झाली आहे, आणि काही संघटनांनी आंदोलनाचा इशारा दिला आहे. महासंघाच्या मते, हा निर्णय पुढे ढकलणे अनाकलनीय आहे आणि राज्याच्या प्रशासनावर विपरीत परिणाम होतोय.
सरकारी नोकरीत भरती प्रक्रिया कधी सुरु होईल यावर अनेक तरुणांच्या नजरा लागून आहेत.
इतर सर्व भरती अपडेटसाठी व अधिक माहितीसाठी खालील लिंक्स बघा:
 नवीन NMK Job 2024 | येथे बघा |
| 📍 जिल्हा नुसार भरती 2024 | येथे बघा |
| 🎓शिक्षणानुसार भरती 2024 | येथे बघा |
| 🏛️ सरकारी विभागानुसार भरती 2024 | येथे बघा |
| 📋 NMK Result 2024 | येथे बघा |
| 🎟️ NMK Hall Ticket 2024 प्रवेशपत्र | येथे बघा |
Anm